O alumnado de Bacharelato de Artes como proxecto teñen que realizar unha curtametraxe de temática LGTBIQA+ onde ten que aparecer un ou varios persoaxes LGTBIQA+ coma referentes positivos. Posteriormente na II Semana da Diversidade realizouse a I MECOPOL " I Mostra Educativa  de Curtas con Orgullo do IES Politécnico de Vigo".

Tratouse do primeiro festival escolar de cine LGTBIQA, xurdido desde o tratamento transversal do principio de aceptación e inclusión da diversidade afectivo-sexual e de xénero na materia Cultura Audiovisual II. 
Esta mostra audiovisual pretende combater a discriminación por razón de orientación sexual ou identidade de xénero, favorecendo a visibilidade e a plena inclusión da realidade LGTBIQA nos traballos realizados polo alumnado. 
A idea trata de compensar e reverter a profunda invisibilidade cultural histórica pola carencia de personaxes e ficcións protagonizadas por persoas non heterosexuais, a inserción moitas veces capciosa de personaxes LGTB desde un punto de vista negativo ou tráxico e, por todo iso, a falta de referentes positivos e reais.
Deste xeito, creando nova cultura poderase transformar a sociedade para que a sociedade sexa unha fonte diversa e múltiple de inspiración da cultura.